ایم کیو ایم کی پوری جماعت سینیئر رہنماؤں سے خالی۔۔ پیپلز پارٹی نے جھٹکا دے دیا

تفصیلات کے مطابق متحدہ قومی موومنٹ پاکستان کے کئی سابق رہنما پیپلز پارٹی میں شامل ہو گئے۔

پیپلز پارٹی کے رہنما سعید غنی نے کہا کہ ایم کیو ایم سے تعلق رکھنے والی شخصیات آج پیپلز پارٹی میں ہیں، پیپلز پارٹی نے سیاسی سرگرمیاں تیز کی ہیں تو ایم کیو ایم کے ساتھی شامل ہو گئے ہیں۔

سعید غنی نے کہا کہ ایم کیو ایم لوگوں کو خوفزدہ کر رہی ہے، یہ مناسب نہیں، تمام شہریوں اور سیاسی ورکرز کو آزادی حاصل ہے کہ اپنی سیاست کا تعین کر سکیں۔

انہوں نے کہا کہ ایم کیو ایم سے تعلق رکھنے والے لوگ مختلف جماعتوں میں گئے، پیپلز پارٹی کراچی میں مقبول ہو رہی ہے، یہ کراچی کی سب سے بڑی اور مضبوط جماعت ہے، جس نے بلدیاتی انتخابات میں کامیابی حاصل کی، لوگوں کی پیپلز پارٹی میں شمولیت کے بعد ایم کیو ایم پریشان ہے۔