پاکستانی اداکارہ علیزے شاہ نے اپنی ایک اور بولڈ ویڈیو سوشل میڈیا پر شیئرکردی

بولڈ تصاویر اور ویڈیوز پر تنقید کے بعد معروف پاکستانی اداکارہ علیزے شاہ نے ٹھان لی ہے کہ وہ کسی کی بھی پرواہ نہ کرتے ہوئے جو چاہیں گی وہ کریں گی۔ اسی لئے انہوں نے مزید اپنی بولڈ ویڈیوز شیئرکردی۔

علیزے شاہ نے انسٹاگرام پر اپنی ایک اور بولڈ ویڈیو جاری کی ہے جس میں وہ انتہائی بے باک انداز میں دکھائی دےرہی ہیں۔ان کے جسم پر ایک ٹیٹو بھی نظر آرہا ہے۔

ویڈیو کے کیپشن میں علیزے شاہ نے لکھا، ’جہاں آپ کو سچی محبت ہوجائے‘۔

لیکن اس بار علیزے شاہ نے سوشل میڈیا صارفین کو بولنے کا موقع نہیں دیا بلکہ اس بار بھی علیزے شاہ نے اپنا کمنٹ سیکشن بند رکھا۔

خیال رہے کہ یہ پہلا موقع نہیں کہ اداکارہ اپنے لباس کے حوالے سے تنازعے میں گھِری ہوں، وہ تواتر کے ساتھ مختصر لباس میں اپنی ویڈیوز اور تصاویر شیئر کرتی رہتی ہیں۔