عاقب جاوید کو پاکستان وائٹ بال ٹیم کا عبوری ہیڈ کوچ مقرر کرنے کا فیصلہ
پاکستان کرکٹ بورڈ ( پی سی بی ) کی جانب سے عاقب جاوید کو عبوری طور پر پاکستان وائٹ بال ٹیم کا ہیڈ کوچ مقرر کرنے کا فیصلہ کر لیا گیا۔
پی سی بی کی جانب سے جاری کردہ اعلامیہ کے مطابق عاقب جاوید چیمپئنز ٹرافی 2025 کے انعقاد تک عبوری کوچ ہوں گے اور مستقل ہیڈ کوچ کی سلیکشن کا عمل چیمپئنز ٹرافی کے بعد ہوگا۔
پی سی بی کے مطابق چیمپئنز ٹرافی کے بعد عاقب جاوید کو سلیکشن کمیٹی میں اضافی ذمہ داریاں دی جائیں گی۔
عاقب جاوید پاکستان کرکٹ بورڈ کی سلیکشن کمیٹی کے سینئر ممبر بھی ہیں۔
وائٹ بال کوچ گیری کرسٹن نے گزشتہ ماہ استعفیٰ دیا تھا۔
پاکستان کرکٹ بورڈ ( پی سی بی ) کے چیئرمین محسن نقوی نے پیر کو قذافی سٹیڈیم لاہور کا دورہ کیا اور تعمیراتی کام کا جائزہ لیا۔
About The Author
