عطا تارڑ ہمیں آئین، قانون اور پارلیمنٹ کی احترام کا درس نہ دیں، حافظ حمد اللہ
اسلام آباد: جمعیت علمائے اسلام (ف) کے رہنما حافظ حمد اللہ نے کہا ہے کہ عطا تارڑ ہمیں آئین، قانون اور پارلیمنٹ کی احترام کا درس نہ دیں۔
اسلام آباد: جمعیت علمائے اسلام (ف) کے رہنما حافظ حمد اللہ نے کہا ہے کہ عطا تارڑ ہمیں آئین، قانون اور پارلیمنٹ کی احترام کا درس نہ دیں۔
جے یو آئی (ف) کے رہنما حافظ حمد اللہ نے وفاقی وزیر عطا تارڑ کے بیان پر کہا کہ رکن قومی اسمبلی بیرسٹر عقیل ملک نے تسلیم کیا کہ ایوان صدر نے مدارس بل پر فیٹف کا ذکر کیا۔ مگر وفاقی وزیر عطا تارڑ کہتے ہیں کہ فیٹیف کا ذکر نہیں کیا۔
انہوں نے کہا کہ سوال یہ ہے کہ تم دونوں میں سےغلط بیانی کرنے والا کون ہے؟۔ اور میں اب بھی کہہ رہا ہوں کہ ایوان صدر نے مدارس بل پر اعتراضات میں فیٹف کا ذکر کیا ہے۔
حافظ حمد اللہ نے کہا کہ عطا تارڑ ہمیں آئین، قانون اور پارلیمنٹ کی احترام کا درس نہ دیں۔ کیونکہ اسی پارلیمنٹ کی فیصلے کو تم نہیں مانتے جس پارلیمنٹ نے مدارس بل پاس کیا۔ آپ اور آپ کی پارٹی نے اسی بل کو ووٹ بھی دیا اور ووٹ سے انحراف بھی کیا۔
انہوں نے کہا کہ “ووٹ کو عزت دو” کے نعرے کا احترام اس طریقے سے کیا جاتا ہے۔ قوم اور عوام فیصلہ کرے کہ حکمرانوں کے کہنے اور کرنے میں کتنا تضاد ہے۔
About The Author
